Rute' Gerardo - Patricia Cuj Xet'

Ruchaq' Gerardo rub'i Erick, xutaq chwe jun rutzil chi nuwach iwir chaq'a roma kite' ri ka'i. Kite' la yawa', la ixoq xkam pa noviembre kan, roma ri k'atan chi rij, xtzoqpin, xtzoqpin sib'elaj ronojel q'ij, xkikot, xkikot enter ruchakul ronojel aq'a.

Erick xa xura'ij xuya' jun rutzil chi nuwach richin ri Q'ij Kichin ri Taq Achib'ila' (Día de la Amistad). Xutaq jun rufoto chwe. Pan enero xiq'ax akuchi k'o wi ke la Campo Santo pa San Lucas chin xinya' wutzil chire, chin xinya' kan jun k'otzij richin. Wakamin ninna yirutz'u', man wetaman ta aj akuchi wi, pero ke ri ninna.

Y ninb'ij chwe chi nutz'u nuwach, ntze'en oku' najin nub'an chwach qa xel el pa Ruwach Ulew, taq najin yiq'ax rik'in, jantape nkanaj pa jay, nuxlan pa ch'at. Yojtzijon b'a chik pa ruwi' ruk'aslem, y najin ninb'ij chire chi k'o chi nwa b'a chik, y niqatz'u jub'ey chik rik'in Gerardo ri taq raq'om, achike aq'om najin nuqum wakamin, achike aq'om utz chi ruwach, achike aq'om man kan ta utz wakamin, achike man k'atzinel ta, yojtzijon chik.

Ninna chi yirutz'u y retaman chi itzel xinna roma rukamik, roma man xqato' ta chanin b'a chik, retaman chi sib'elaj sib'elaj yib'ison, yirutz'u y retaman. Man wetaman ta achike roma, pero ninna chi nutz'u ri ya pa nuwach, nuk'oxaj chi najin yinoq' wakamin. Ninya' jujun tzij chire, yitzijon b'a pa chab'al, nink'utuj chi nuku' numak, y ninmatyoxij chin xutaq la wuj chwe.

Y ninb'ij chwe chi ntze'en chik, jeb'el ntze'en, junam oku' xtze'en ojer. Ninb'ij chi man nrajo ta chi tan itzel ninna, pero kowin ninb'ij ke ri? Man wetaman ta, pero ninb'ij chi man nrajo ta xa yib'ison roma ri xb'a el pa Ruwach Ulew. Man wetaman ta akuchi k'o wi wakamin, pero ninna rutzil wichin.

Matyox chawe, nana. Ninmey awach sib'elaj. Ninyab'ej chi utz ab'anon, ki' ak'u'x, utz nanna achakul, awanim, mas tranquilo yawar ri taq aq'a wakamin. Utz kib'anon konojel awach'alal, ri Neitan xuchop jujun taq tzij pa chab'al yan, ri ka'i ne'y ixtani jeb'el, jeb'el xintz'u.

Yiq'ax awik'in jub'ey chik chanin. Tachajij awi', nan.

Matyox chawe, matyox, matyox. Ke ri k'a.

Jun nimaläj ixöq, nimaläj iyom.

Tatz'u.